"Roadtrip" til Banff, Jasper og Glacier National Parks

Hej. Þá hafa skilað sér í hús í vikunnni bæði kærastinn ofan af jökli í Yukon og einnig 11 risastórir kassar með póstinum sem við sendum frá Íslandi í maí mánuði. Ansi var ég ánægð með að fá Alex í hús...en blendnar tilfinningar með kassahrúguna ! Þar er að finna 4 pör af skíðaklossum, 2 pör af "fjallbomsum", bækur, vetrarföt og annað dót. Við hentum og gáfum fullt af dóti áður en við fórum en samt er allt þetta eftir !!! Ég er að velta þessu fyrir mér þegar ég sé útigangsmennina hér fyrir utan dragandi aleiguna í einni innkaupakerru eða bara á bögglaberanum - hmmmm hentugt, en ég hugsa að ég taki þó ekki upp þann lífsmáta heldur skreppi í IKEA og kaupi hillu undir þetta alltsaman :-)

Annars erum við þessa dagana að skipuleggja "roadtrip" um þjóðgarða klettafjallana og leggjum "í ann" næstu helgi. Verðum á þvælingi um Banff, Jesper og jökulþjóðgarðana dagana 17 -26 ágúst. Þetta er svæði skammt frá landamærum Kanada og Bandaríkjanna. Fyrir þá sem þekkja hina árlegu "Banff mountain film festival" sem ÍSALP stendur fyrir einu sinni á ári á Íslandi þá kannast þeir sömu við staðinn. Við höfum farið undanfarin 3 ár og erum því spennt að komast loksins á þetta svæði en það er þekkt fyrir að vera ansi "snoturt svæði" og svalur staður fyrir þá sem stunda fjallpríl, klifur, skíði og jaðarsport af ýmsu tagi. Já og svo er það hinn póllinn...líka afar vinsæll viðkomustaður af undarlegum túristum sem kjósa að ferðast pakkaðir ca 50 stk saman í rútu og reka við í víðóma.

Vill svo skemmtilega til að við hittum vini okkar í Banff sem koma frá New York um næstu helgi og helgina þar á eftir er planið að renna til Calgary og pikka upp Einar bróðir á flugvellinum (Einar þú mátt koma með Koníak eða Viskí sem input í matarboxið í "hytte"). Myndin er af staðnum þar sem við eigum pantað tjaldstæði fyrstu dagana. Fáum okkur svo sumarhús síðustu dagana. Annars bara allt gott að frétta frá okkur í Vancouver - af fingrunum þremur er það að frétta að þeir eru ennþá lamaðir og ég klifra því lítið á næstunni. Kemur þó lítið niður á daglegu lífi nema hvað ég get ekki hneppt skyrtuhnöppum, borað í nefið með vinstri og ég held á hnífapörum eins og villimaður (amk gafflinum). Sumsé "peanuts". Ha'de godt./L